2013(e)ko azaroa 19, asteartea

Koartza zuri herrena

Azaroaren16an, larunbata, bideotxo hau egin nion padurako errekasto batean zersuman zebilen koartza zuri honi. Hasieran, geldi-geldirik zegoela, ez nion igerri, baina mugitzen hasi orduko erakutsi zuen zer egoeratan zegoen.


Eskuineko hanka zisko eginda dauka gajoak.

Aurreko asteetan koartza zuri bikote bat ibilia Inurritzan, elkarri segika denbora guztian eta nahiko zalapartari. Haietako bat ote da? Hala bada, zer gertatu zaio lagunari? Eta galdera nagusia: nola demontre zauritu da hau? Bideoan ikusten ez bada ere, eskuineko hegoan ere bazuen zerbait, arraun-luma bat zintzilik zuen eta halako batean erori ere egin zitzaion. Baina orain ez du horretarako garaia; esango nuke zauri batek eraginda galdu duela.

Irudi gehiago:


Erreparatu zintzilik daukan lumari


iruzkinik ez:

Argitaratu iruzkina

Mundu guztia da libre nahi duen iritzia emateko, baina eskertuko genuke mezu anonimorik ez bidaltzea; zeini zuzendu behar gatzaizkion jakiteko mezuaren bukaeran norberaren izena jarri mesedez.
Ez da irainik onartuko, eta errespetu-falta sumatzen badugu jakin bedi mezua borratua izango dela.
Eskerrikasko.