Pagoetarekin eta Arkamurkarekin Txingudira

Pagoeta mendizale elkartearen urteko azken irteera Arkamurka Natur Taldeak antolatzen du. Irteera honen helburua bikoitza da: batetik, betidanik bi elkarteen arteko loturak eta harremanak mantentzea, eta bestetik, naturaren ikuspegitik interesa duten inguruak bisitatzea.

TXINGUDI

Aurten Gipuzkoako kostaldean jarri dugu arreta, Txingudiko badian hain zuzen. Itsasotik eta lehorretik, Euskal Herriko Ipar eta Hego politikoa bereizi izan dituen muga-lerroan kokatuta dago natur balio handiko eremu hau. Gizakiak aspaldidanik eraldatu du, eta ondorioz, aspaldikoa da ere natur kontserbazionistek eremu honen alde egindako borroka.

2012. urtean hasita, TXINBADIA, Irungo Txingudiren eta Hendaiako Abbadiaren arteko mugaz gaindiko lankidetza-proiektua ari dira garatzen. Eremu horretako bioaniztasunaren galera geraraztea da helburua, eta horretarako, Bidasoako estuarioan dauden lehorreko eta itsasoko habitaten eta ekosistemen funtzionamendua modu jasangarrian kudeatzea da helburua.

JAITZUBIA

Ibilaldia Jaitzubiako hezegunean hasi genuen. Eremu honetan 70,4 Ha babestu dira, 25 Ha padura berreskuratuz. Eremuan zehar informazio-gunea, antzinako bunker batean behatokia eta 3 Km inguruko bidezidorra sortu dira inguruaz gozatzeko. 

Harearriaren gainean ameztiak, txilardiak eta sastrakadiak hazten dira Jaizkibelen.

 Eremu hau ezagunagoa da ikuspegi geologikotik eta itsastarretik, baina hegoaldetik ere ikusgarria da alturarekin irabazten den bista. Guadalupeko Ama bisitatuko genuen.

PLAIAUNDI

Handik, berriz, Txingudiko badiara jaitsi ginen, baina autobusez. Plaiaundiko parke ekologikora eraman gintuen autobusak. Plaiaundin 23,4 Ha babes bereziko gune bezala izendatuak daude. Hegazti migratzaileentzat duen garrantzia dela eta, nazioarteko RAMSAR hitzarmenean eta Natura 2000 sarean sartuta dago eremu hau aurreko mendetik. Aireportuaren eta Irun bezalako hirigune handiaren mugan, demasa izan da eremu hau zaindu eta berreskuratzeko egin den ahalegina. Egun ornitologoen artean ezaguna egin da, askotarikoak eta ugariak baitira urtero migrazio-garaian eremu hau bisitatzen duten hegaztiak. Baina, oraindik ere eremu honen natur kontserbazioaren aldeko kudeaketak hainbat buruhauste eragiten ditu.

Plaiaundin behatokietan egonalditxoak egin genituen, pazientziaz eta tramankuluak lagun, bertako hegaztiak gozatzeko parada ezin hobea probestu genuen. Eguerdian, bazkalorduan bukatu genuen bisita, ordurako hegaztiak ikusteaz aseta,eta gose pixkabatekin. 


                                           Irteeran ikusitako hegaztien zerrenda;

Klasifikazioa	Izena (Eus)	Izena (Es)	Izen zientifikoa
Anatidae	Beltxarga arrunta	Cisne vulgar	Cygnus olor
	Antzarra hankagorriska	Ánsar común	Anser anser
	Basahatea	Ánade azulón/real	Anas platyrhynchos
	Ipar-ahatea	Ánade friso	Anas strepera
	Ahate mokozabala	Cuchara común	Anas clypeata
	Zerzeta arrunta	Cerceta común	Anas crecca
	Ahate beltza	Negron comun	Melanitta nigra
	Murgilari mottoduna	Porron moñudo	Aythya fuligula
	Murgilari arrunta	Porrón europeo	Aythya ferina
Podicipedidae	Txilinporta txikia	Zampullín común/chico	Tachybaptus ruficollis
	Murgil handia	Somormujo lavanco	Podiceps cristatus
Phalacrocoracidae	Ubarroi handia	Cormorán grande	Phalacrocorax carbo
Ardeidae	Lertxuntxo txikia	Garceta común	Egretta garzetta
	Lertxuntxo handia	Garceta grande	Casmerodius albus
	Lertxun hauskara	Garza real	Ardea cinerea
Threskiornithidae	Mokozabala	Espátula común	Platalea leucorodia
Accipitridae	Miru gorria	Milano real	Milvus milvus
Rallidae	Uroilo arrunta	Gallineta común	Gallinula chloropus
	Kopetazuri arrunta	Focha común	Fulica atra
Recurvirostridae	Abozeta	Avoceta común	Recurvirostra avosetta
Charadriidae	Txirritxo txikia	Chorlitejo chico	Charadrius dubius
	Txirritxo handia	Chorlitejo grande	Charadrius hiaticula
	Txirri grisa	Chorlito gris	Pluvialis squatarola
	Hegabera	Avefría europea	Vanellus vanellus
Scolopacidae	Harri-iraularia	Vuelvepiedras común	Arenaria interpres
	Txirri arrunta	Correlimos común	Calidris alpina
	Kuliska pikarta	Andarríos bastardo	Tringa glareola
	Bernagorri arrunta	Archibebe común	Tringa totanus
	Kuliska zuria	Archibebe claro	Tringa nebularia
	Kuliska gorria	Aguja colipinta	Limosa japponica
	Kurlinta bekainduna	Zarapito trinador	Numenius phaeopus
	Kurlinta handia	Zarapito real	Numenius arquata
	Istongor arrunta	Agachadiza común	Gallinago gallinago
Laridae	Antxeta mokogorria	Gaviota reidora	Chroicocephalus ridibundus
	Kaio hankahori	Gaviota patiamarilla	Larus michaellis
	Kaio beltza	Gavion	Larus marinus
Columbidae	Haitz-uso	Paloma bravía	Columba livia
	Usapal turkiarra	Tórtola turca	Streptopelia decaocto
Alcedinidae	Martin arrantzalea	Matín pescador común	Alcedo atthis
Hirundinidae	Haitz-enara	Avión roquero	Ptyonoprogne rupestris
Motacillidae	Negu-txirta	Bisbita común/pratense	Anthus pratensis
	Buztanikara zuria	Lavandera blanca	Motacilla alba
	Buztanikara horia	Lavandera cascadeña	Motacilla cinerea
Turdidae	Txantxangorria	Petirrojo europeo	Erithacus rubecula
	Buztangorri iluna	Colirrojo tizón	Phoenicurus ochruros
	Zozoa	Mirlo común	Turdus merula
Cettiidae	Errekatxindorra	Cetia ruiseñor	Cettia cetti
Phylloscopidae	Txio arrunta	Mosquitero común	Phylloscopus collybita
Troglodytidae	Txepetxa	Chochín común	Troglodytes troglodytes
Paridae	Kaskabeltz handia	Carbonero común	Parus major
Certhiidae	Gerri-txori arrunta	Agateador europeo	Certhia brachydactyla
Corvidae	Mika	Urraca	Pica pica
	Bele-beltza	Corneja negra	Corvus corone
	Belea/Erroia	Cuervo	Corvus corax
Passeridae	Etxe-txolarrea	Gorrión común	Passer domesticus
Fringillidae	Txonta arrunta	Pinzón común	Fringilla coelebs
	Kardantxuloa/Karnaba	Jilguero europeo	Carduelis carduelis
	Tarina	Lúgano	Carduelis spinus