El Diario Vascotik dator notizia, euria izan dela jenioz
bizia. Gogoratzera goaz askok ikusia, ur putzu bihurtuta lautada guzia.
Bertsotan esan liteke, koplatan ere bai, eta ez da izango aldizkako gertaera
hauek prosa soilean ez ditugulako azaldu, behin eta berriz, azken hamarkadatan.
Zarautzen euriteak marea goian denean gertatzen direnean, urak gainez egiten du
herriko hainbat lekutan, kalteak sortuz.
Azkenengo aldiz aurreko astean gertatu da, egunkari horretan esaten den
bezala, Astin ez ezik, herriko hainbat lekutan, eta nola ez, Ventas inguruan,
estoldetatik eta “erreketatik” atera zen ura azpiegiturak gaindituta.
Meaga auzotik itsasora doan ubideari datorkion ura ezin bideratuz.
Harritu daiteke
bertako zein auzoko jendea Zarautzen uholdeak nolatan gerta daitezkeen
entzunda. Beti izan ditu Zarautzek uholdeak, Zarautzek bai baititu berezko
arriskuak, itsas mailan, eta beherago ere, dauden eremuak, ur-kanalizazio
traketsak, eta Europak jakin arazita ere, kontuan hartzen ez dituen
uholde-arriskurako irizpideak.
Arkamurka Natur
Taldeak behin eta berriro errepikatu du Erriberetako Parkea izan daitekeela
arrisku hauek gutxitzeko irtenbidea. Ihidieta (Irita) eta Astin daukagu urari
bere lekua hartzen uzteko aukera paregabea, bide batez, herriko atze aldea urperatzeko
arriskua gutxituz.
ihidietan daukagu urari bere lekua hartzen uzteko aukera paregabea.
Ez dago urrutira
joan beharrik uholdeen aurka hezeguneek joka dezaketen papera ikusteko.
Gasteizen Salburua parkea sortu zuten ibaiek harantza gainez egin eta alde
zaharrean uholderik izan ez zedin. Arrakasta itzela izan du. Iñurritza
errekaren eskuineko pareta kendu eta Ihidieta eta Asti urak hartzeko
prestatuta, gauza bera lor daiteke. Aspaldikoa da aukera hori
aztertzeko egindako plana. Zeren zain daude gauzatzeko? Benetako txikizioa
gertatu zain?
Asti (Sakeletxen) da urari bere lekua egingo lioken beste inguru paregabea.
Bi proiektu lortuko
lirateke Erriberetako Parkea ganoraz eginda, bata, parke naturalizatu eder
batez Zarauzko hiria errematatzea, eta, bestetik, uholdeak konpontzea. Baina,
agian, inozook, poligono industrial berri bat nahiago dugu Ihidietan,
okerbidetik jarraituz.
Kurriloek
gogorarazi digute negua etortzear dagoela, baina Euskal Herriko bertso
txapelketa ez bezala, euriteak urtaro guztietan eta urtero gerta litezke
gurean. Diotenez, gainera, itsasoaren maila gora omen dator pixkana-pixkana.
Zarauzko Arkamurka
Natur Elkartea
iruzkinik ez:
Argitaratu iruzkina
Mundu guztia da libre nahi duen iritzia emateko, baina eskertuko genuke mezu anonimorik ez bidaltzea; zeini zuzendu behar gatzaizkion jakiteko mezuaren bukaeran norberaren izena jarri mesedez.
Ez da irainik onartuko, eta errespetu-falta sumatzen badugu jakin bedi mezua borratua izango dela.
Eskerrikasko.