Urtea ondo bukatzeko, Bittor Mutiozabal argazkilari Zarauztarrak, Iñurritza aldean egun hauetan ateratako argazki sorta bat doakizue behekaldean. Bittorrei eskerrak ematea besterik ez zaigu geratzen, besteon gozamenerako urte osoan zehar Iñurritza biotopoan atera dituen argazki ugarirengatik eta bide batez Iñurritza inguruari ematen ari zaion balio erantsiarengatik.
Iñurritza moduko hezeguneetan ohiko hegaztiak dira limikoloak, batez ere migrazio garaietan (udazken eta udaberrian) Europa iparraldetik iberiar penintsula edo Afrikarantz abiatzen den limikolo-andanak Iñurritza bezalako hezeguneak erabiltzen baititu elikatzeko eta atsedena hartzeko.
Baina aurtengo udazkeneko migrazio garaian bete betean gauden honetan, lehen ez bezala aurten limikolo gutxi ari da pausatzen Iñurritza biotopoan. Hezegunea berreskuratzeko lanak egin ziren urtean oso landare gutxi geratu zen ur gezako putzuan zein Iñurritza ibaiaren ingurunean. Orain aldiz landaredia asko ugaritu da eta limikoloak beste hegazti asko ez bezela sakontasun txikiko uretan edo urertzetan bizi dira. Substratu biguneko ornogabeez elikatzen diren hegazti txiki eta ertainak izanik, landaredia ugaritzean gune horiek asko gutxitzen zaizkie eta gainera begiz ingurua zelatatzea oztopatzen die, beraz hori izan liteke limikoloak orain asko gutxitu izanaren arrazoietako bat.
Hezeguneetan hazi den landarediak aldiz beste hegazti mota batzuen mesedetan jokatu du. Lezka txori, Anatida, Ardeido, Turdido, txori intsektujale eta abarren mesedetan, alegia.
Ibai ertzetan, aldian behin urez estalirik geratzen diren guneetan alegia, oso landaredi berezia hazten da. Ur gazi-gezari (gazikara) egokituta daude batzuk edo ongi bustitako lurzoruetan bizitzeko moldatutako hainbat belar-espezie besteak, sahats, milazka eta antzeko zuhaitz eta zuhaiskak esaterako. Ur gezako putzuan, berriz, dena lezkadiz bete da eta, hori ere limikoloen kaltetan izan arren, lezkadietan bizi diren hegaztiak ugaritzea ekarri du. Azken habitat horretan bizi diren hegazti asko desagertzeko arriskuan aurkitzen diren zerrendetan daude jasota, eta, beraz, lezkadia ugaritzea eta babestea ere behar beharrezkoa da.
Kantauri isurialdeko hezegune gehientsuenak eraikuntzarako, industria edo nekazaritzarako lur eremu bilakatu diren honetan, Zarauzkoa ez da salbuespena izan. Hori dela eta, biodibertsitatearen mesedetan Iñurritza biotopoko hezeguneek berebiziko garrantzia dute inguruan ditugun izaki bizidun, mikroorganismo, landare, animalia, habitat eta ekosistemen ugaritasun eta aniztasun guztia mantentzeko.
Behekaldean, egunotan Iñurritza aldean ateratako argazki eta irudi batzuk dituzue ikusgai.
Lehengo astean Lertxuntxo haundiaren bisita izan genuen Iñurritzan. Lertxunen artean handiena eta ederrenetakoa bera. Orain dela urte gutxi arte pentsaezina zen inguru hauetan ikusteko zaila den horrelako hegazti bat Iñurritzan ikusteko aukera izatea eta horrek asko pozten gaitu.
Lertxuntxo haundia (Casmerodius albus)
Lertxuntxo haundia (Casmerodius albus)
Lertxuntxo haundia (Casmerodius albus)
Txilinporta txikiak oso gogoko du ur gezako putzuan aurkitzen den lezkadi ingurua
Txilinporta txikia (Tachyhuptus ruficollis)
Txilinporta txikia (Tachyhuptus ruficollis)
Txilinporta txikia (Tachyhuptus ruficollis)
Euskaldunon artean elkar aserretzen geranean, bada oitura bat bestea "joan adi pikutara"bidaltzekoa bainan Iñurritza aldean bizi diren uroilanda, uroilo eta abarrak ederki ari dira aprobetxatzen guk gutxietsi ohi dugun oitura.
Uroilo arunta, Gallinula chloropus
Uroilo arunta, Gallinula chloropus
Uroilo arunta, Gallinula chloropus
Etxe txolarrea (Passer domesticus)
Negu txirtaz ere bete zaizkigu inguruetako landak.
Negu txirta (Anthus pratensis)
Negu txirta (Anthus pratensis)
Itsasoa zeharkatzen eginiko kilometro ugariren ondoren, Talai mendiko larreetara iristean, ebaki berria dagoen belar artean aurkitzen duten bazkarekin ederki indarberritzen dira Buztanzuri arruntak
Buztanzuri arrunta, (Oenanthe oenanthe)
Buztanzuri arrunta, (Oenanthe oenanthe)
Buztanzuri arrunta, (Oenanthe oenanthe)
Buztanzuri arrunta, (Oenanthe oenanthe)
Biotopoa berreskuratu geroztik Basahate talde ederra sortu da berton. Hauek ere orain dela 2 urtetik honera hasi dira kumatzen hemen.
Basahatea emea (Anas platyrhynchos)
Orain dela oso urte gutxi ez bezala orain egunero etortzen zaizkigu Lertxuntxo txikiak Iñurritza biotopora
Lertxuntxo txikia (Egreta Garcetta)
Lertxuntxo txikia (Egreta Garcetta)
Lertxuntxo txikia (Egreta Garcetta)
Lertxuntxo txikia (Egreta Garcetta)
Lertxuntxo txikia (Egreta Garcetta)
Lertxuntxo txikia (Egreta Garcetta)
Lertxuntxo txikia (Egreta Garcetta)
Lertxuntxo txikia (Egreta Garcetta)
Limikolo bakanen artean Txirritxo haundi da aurten ugariena ikusten ari gerana.
Txirritxo haundia (Charadrius hiaticula)
Txirritxo haundia (Charadrius hiaticula)
Txirritxo haundia (Charadrius hiaticula)
Zozo emea (Turdus merula)
Txantxangorria (Erithacus rubecula)
Ubarroi haundi talde bat Iñurritza gainetik pasatu ziren guneetako batean
Urtero sasoi hontan gertatzen den bezala, Mokozabal taldeak Europa iparraldetik hegoalderako bidai horretan Zarautz gainetik ere ari dira pasatzen eta ale horietako batzuk, bidai luze horretan, Iñurritza bezalako hezeguneak aukeratzen dituzte atsedena hartzeko. (Behekaldean argazki horietako bat) Rafa Saizek ere orain bi egun. 14-15 aleko bando bat Zarauzko hondartza gainean ikusi zuen hegan. Zalantzan pare bat buelta egin ondoren, Santa Barbara aldera galdu zirelarik.
Mokozabala (Platalea leucorodia)
Mokozabalez gain beste hegazti ugari ari dira iristen Iñurritza biotopora.
Iñurritza biotopoaren bihotzera paddel-ean, Golfekoak pelota bila edo dena delako zereginetan ez sartzearen zergatia ulertzeko behekaldeko argazki sorta hau ikustearekin ulertzen da. Egun hauetan Iñurritza hegaztiz beteta aurkitzen da (EGUN HAUETAN ATERATAKO ARGAZKI SORTA HEMEN) eta behekaldeko argazkietan ikusten den adibideetan bezala, hegazti denak izutu eta hegan igesi joaten dira. Iñurritza biotopoa, errepide, hondartza, golf eta abarrez inguratua dago eta ondorioz hegaztiek lehendik ere gizakiekiko izugarrizko presioa jasaten dute, horregatik bake pixka bat bilatzen duten inguru txiki txiki hori bada ere, errespeta dezagun.
