Iñurritza biotopoa: zapelatza

zapelatza etiketadun mezuak erakusten. Erakutsi mezu guztiak

2016(e)ko maiatzaren 19(a), osteguna

Denetik pixka bat...

Inurritzan arratsalde gris batean ikusitakoen kronikatxoa.

Arratoi beltza (Rattus rattus)

Arratoi beltza aise igotzen da zuhaitz eta zuhaisketara, eta bertan hegaztien habiak erabili ohi ditu. Argazkiko hau bide bazterreko zuhaiska batera igota zegoen, argazkilariari begira behiak trenari bezala. Lastima iluntzen hasita zegoen!

......................................................................................................................................

Zapelatza (Buteo buteo)

Zapelatza (literalki, 'sagu-belatza') gai da oso habitat desberdinetan bizitzeko. Irudiko hau Talaimendiren magalaren gainean zegoen kapan, lumarik mugitu gabe, Getaria aldetik jotzen zuen haizearen kontra, geldi-geldirik lurrera begira, hankak erdi-zintzilik. Saguren bat izango zuen begiz joa.

Horrela luzaro (sei bat minutuz bai) egon ostean, halako batean jaregin du bere burua:

......................................................................................................................................

Ihi-txoria (Cisticola juncidis)

Gutxitan izaten da txori honi lasai begiratzeko denborarik. Gehienetan bere kantuak salatzen du, tsip!, tsip!, tsip...!, baina ia beti hegan dabilela egiten du kantuan. Izan ere, udaberriko soinu ohikoenetako bat da Inurritzan ihi-txoriaren kantua. Baina adarren batean isilik pausatua dela, ia ez dago aitaren semerik non dagoen aurkituko duenik. Atzo, baina, beg-bistan jarri eta kantari hasi zitzaigun.

2014(e)ko apirilaren 24(a), osteguna

Iñurritzako argazki gehiago

Bittor Mutiozabalek aste hontan Iñurritza aldean atera dituen beste argazki sorta bat ondoren.

kardantxuloa (Carduelis carduelis)

Zapelatza (buteo buteo)

Lertxuntxo txikia (Egreta garcetta)

Txepetxa (Troglodytes troglodytes)

Txirri arrunta (Calidris alpina)

Landa txolarrea (Passer montanus)

Pitxartxar buru beltza (Saxicola torquata)

Etxe txolarrea (Passer domesticus)

Txantxangorria (Erithacus rubecula)

Txirritxo haundia (Chadrius hiaticula)

Txirritxo txikia (Chadrius dubius)

Txorru arrunta (Chloris chloris)

2013(e)ko abenduaren 19(a), osteguna

Zapelatz zuriak

Negu partean, seguruenik Europa iparraldetik etorrita edo, kolore zuriko zapelatzak ari gera ikusten inguruetan, lehen bizi orain dela 3 bat urte Talai mendin ikusi nuen ale bat eta txundituta geratu nintzen bere zuritazunarengatik, orain dela bi urte berriz Urteta auzoan ikusi nuen beste bat antzeko itxurarekin eta orain dela egun gutxi berriz Txema Fernandezek ikusi du beste bat Zarautz inguruan. Lukas Arbeloak ere itsas enarako blogean http://ieoe.blogspot.com.es/2013/11/vuelve-el-ratonero-blanco.html Tolosa aldean ikusitako beste baten berri ere eman zuen lehenagoko hilean. Kasu guzietan neguan ikusiak izan direnez Europa ipar aldetik honuntz negua pasatzera etorri diren teoria indartzen du.

Zapelatza ( Buteo buteo), Txema Fernandez orain dela egun gutxi Elkano auzoan ateratako argazkia

Zapelatza ( Buteo buteo), Asier Aldalurrek orain dela hiru urte Talai mendin (Zarautz) ateratako argazkia

Zapelatza ( Buteo buteo), Asier Aldalurrek orain dela bi urte Urtetan (Zarautz) ateratako argazkia

Orriak