Iñurritza biotopoa: Troglodytes troglodytes

Troglodytes troglodytes etiketadun mezuak erakusten. Erakutsi mezu guztiak

2016(e)ko uztailaren 23(a), larunbata

Administrazioak zaintzen al ditu Iñurritza biotopoko dunak?

Lore Salaberria Osak uztailaren 3an ateratako irudi honetan ikusten den bezala, jendea duna gainean eguzkia hartzen egoten da lasai ederrean.

Lehen ere Zarauzko eraikin gehienak zein malekoi, errepide eta abarrak dunaren zati haundienaren gainean eraikiak izan dira. Azken horiek dunak itsasoarekin duen oreka apurtzen dute, eta Zarautz osoan berezko duna zati txiki bakarra Iñurritza biotopokoa da. Duna beraz guztiok zaindu behar degun naturaren ondasuna denez Iñurritzako dunetara joaten geranean saia gaitezen dunak babesten; Markatutako bideetatik edo pasabide gainetik ibiltzen eta dunak finkatzen dituzten landareak ez zapaltzen. Eta bide batez, berriro horrelakorik gerta ez dadin, dagokion administrazioari ahal den azkarren neurriak hartzeko eskaera egin nahi diogu hemendik. Horrela, gure ondorengoek naturaz gozatu ahal izango dute, guk egun hauetan Iñurritza biotopoan atera berri ditugun beheko irudi hauekin egiten degun bezala. LAGUNDU DUNAK ZAINTZEN!!!!

Pieris napi

Polistes bischoffi

Bernagorri arrunta (Tringa totanus)

Kuliska txikia (Actitis hypoleucos)

Uroiloa (Gallinula chloropus)

Antxeta moko gorria (Chroicocephalus ridibundus)

Hanka horia (Larus michahellis)

Txolarrea (Passer domesticus)

Kardantxuloa (Carduelis carduelis)

Sasi txori arrunta (Hypolais poliglota)

Txepetxa (Troglodytes troglodytes)

Birigarro arrunta (Turdus philomelos)

Txantxangorri (Erithacus rubecula) gaztea

Sorbeltz arrunta (Apus apus)

Hegabera (Vanellus vanellus)

2015(e)ko urtarrilaren 14(a), asteazkena

Urre txirri arrunta, Ihi txoriak, Txepetxa, Antzara, Uroilanda eta beste hainbat hegazti behatzeko aukera izan da Iñurritzan

Azkeneko hilabetean Iñurritza biotopoan ateratako argazki sorta hontan ikusiko duzuen bezala, Urre txirri arrunt (Pluvialis apricaria) bikote baten bisita izan degu egunotan, berauek astebete inguru ibili dira berton, Golf zelaiaren inguruan lurrean bilatzen zituzten xomorrotaz elikatzen. Europa iparraldeko tundretan edo basoaz gain diren zelai edo soroetara kumatzera joan ondoren negua pasatzera Europa hegoaldera etortzen dira, askotan hegaberekin nahasian ibili zalea da eta negua hezegune inguruetan ibili arren soro edo inguru lehorrak ditu gogoko, Horren lekuko Iñurritzan egunotan erabili duten abitata, hau da, landaretzaren eraginez sortzen den duna finkoan. Nahiz eta orain Golf-ean jokatzeko erabilera eman inguru hauskor horri.