Iñurritza biotopoa

2015(e)ko otsailaren 12(a), osteguna

Azken elurtean zehar hegazti ugari etorri da babes bila Iñurritza biotopora

Bittor Mutiozabalek egunotan Iñurritzan atera dituen argazki sorta duzue behekaldean. Elurtean zehar babes bila etorrita, Iñurritzan negu gogorretan bakarrik ikusi litezken Buztanluzeak (Aegithalus caudatus) bezalako hegaztien bixita izan da egunotan. Berton bizi diren basahate, uroilo, uroilanda, zozo, txilinporta txiki e.a ez gain "paseriformeen" kopurua asko ugaldu da.

Txirri zuria (Calidris alba)

Txirri zuria (Calidris alba) Asier Aldalur en grabaketa.

Lertxuntxo txikia (Egreta garcetta)

Istingorra (Gallinago gallinago) Asier Aldalurren grabaketa.

Txilinporta txikia (Tachyhuptus ruficollis)

Antxeta mokogorria (Chroicocephalus ridibundus)

Antxeta burubeltza (Larus melanocepalus), Asier Aldalurren grabaketa.

Kaio hankahoria (Larus michahellis)

Miru gorria (Milvus milvus)

Basahatea (Anas platyrhynchos)

Buztanluzeak (Aegithalus caudatus)

Txonta arrunt (Fringilla coelebs) emea.

Txonta arrunt (Fringilla coelebs) arra.

Txonta arrunt (Fringilla coelebs) emea.

Txonta arrunt (Fringilla coelebs) arra.

Txonta arrunt (Fringilla coelebs) emea.

kardantxuloa (Carduelis carduelis)

Landa txolarrea (Passer montanus)

Birigarroa (Turdus philomelos)

Txantxangorria (Erithacus rubecula)

Pitxartxar burubeltza (Saxicola torquata)

Zozoa (Turdus merula)

Txorru arrunta (Chloris chloris)

Negu txirta (Anthus pratensis)

Amilotx urdina (Cyanister caeruleus)

Errekatxindorra (Cettia cetti)

Erregetxoa (Regulus ignicapilla)

Buztanikara zuria (Motacilla alba)

2015(e)ko urtarrilaren 27(a), asteartea

Frantzian eraztundutako Gabirai zauritu bat Astiko baratzetan

Pasa den ostiral honetan lehenagoko udaberrian jaiotako Gabirai (Accipiter nisus) bat zauriturik bilatu zuen Alberto Guerrak Asti inguruan dagoen baratze batean. Baratze hau A-8 errepidearen azpian dagoala jakinik, seguruenik berebilen baten kontra "tupust" egingo zuela pentsatzen da. Golpearen ondorioz hegoa puskatuta edukitzeaz gain begi aldea ere dena gorrituta zuen eta zaurituta bilatu zuenetik ordubetera hil zela aipatu zidan. Gabiraia Frantzian (MUSEUM PARIS FT-53458) eraztundua zegoela jakinik, hemendik gutxira non eta noiz eraztundua izan zen jakiteko moduan izan gintezke . Kasu hontan ikusi den bezala errepideek hegaztien bizitzan duen eragiña nabarmena da, urtero milioika hegazti berebilen aurka "tupust" egin ondoren hiltzen direla kalkulatzen da. Fenomeno hau baieztatzen duten ikerketa edo azterketa ugari argitaratuak izan dira munduan zehar.

Marrazkian ikusiko duzuen bezala, hegazti hauek hego motz eta isats oso luzea izaten dute. Gorputza baso barruan zuhaitz tartetan ehizatzeko daukate egokitua eta bai hegan edo bai lurrean hegazti edo ugaztun txikiak ehizatuz elikatzen dira.

Oraindik gaztea denez, helduak ez bezala -non hauek lumak grisak edukitzen dituzten- honek lumak mrroixkak ditu oraindik eta zabel aldeko luma marroiak ere oso haundi eta pikartak.

Gure inguruko Gabirai heldu eta batez ere emeak neguan ez dira oso migratzaileak nahiz eta mubimentu lokalak egin zaleak izan, Gazteak berriz askoz migratzaileago direla pentsatzen da.

2015(e)ko urtarrilaren 14(a), asteazkena

Urre txirri arrunta, Ihi txoriak, Txepetxa, Antzara, Uroilanda eta beste hainbat hegazti behatzeko aukera izan da Iñurritzan

Azkeneko hilabetean Iñurritza biotopoan ateratako argazki sorta hontan ikusiko duzuen bezala, Urre txirri arrunt (Pluvialis apricaria) bikote baten bisita izan degu egunotan, berauek astebete inguru ibili dira berton, Golf zelaiaren inguruan lurrean bilatzen zituzten xomorrotaz elikatzen. Europa iparraldeko tundretan edo basoaz gain diren zelai edo soroetara kumatzera joan ondoren negua pasatzera Europa hegoaldera etortzen dira, askotan hegaberekin nahasian ibili zalea da eta negua hezegune inguruetan ibili arren soro edo inguru lehorrak ditu gogoko, Horren lekuko Iñurritzan egunotan erabili duten abitata, hau da, landaretzaren eraginez sortzen den duna finkoan. Nahiz eta orain Golf-ean jokatzeko erabilera eman inguru hauskor horri.